३१ मार्च २०१९ : लिनलिथगो ग्लासगो सिटी सायकल टूर
आज पासून भारत आणि युकेच्या वेळेत 1 तासांचा अंतर कमी झाले त्यामुळे रोज 05:30 ला येणारी जाग सकाळी 06:30 वाजता आली . मग काय आधीच उशीर शिवाय अव्हीमोर (हायलँड) भागात पंकज सोबत कारने जायचा प्लॅन होता. परंतु उद्या फोर्ट विलियम जायचे आणि आज 450 किमी कार प्रवास म्हटले की उद्या देखील हेक्तीक होईल. शिवाय मला कार पेक्षा ट्रेन किंवा सायकलने प्रवास जास्त आवडतो म्हणून नकार दिला कारण मला लोकांशी संवाद साधत रस्ते, गल्ली बोळ्यातून विचारत ग्लासगो मधील ऐतिहासिक आणि निसर्गरम्य ठिकाणे पालथी घालायची होती. शिवाय परभणीतील मित्र प्रफुल कल्याणकरची छोटी ताई रुपाली केवाळे ग्लासगो येथे राहते. तिचे ग्लासगो भेटी दरम्यान घरी येण्याचे खास आमंत्रण होते. आणि माझ्या सारख्या भटक्या, गप्पिष्ट आणि खवय्या व्यक्ती भारतीय आमंत्रण नाकारू शकत नाही ना ?
उशीर झाला होता पण तरी 09:52 ची एडींब्रा ग्लासगो क्वीन स्ट्रीट ट्रेन स्टेशनचे तिकीट घेऊन लिफ्ट ने सोबत सायकल देखील प्लॅटफॉर्म वर सोबत आणून ट्रेनची वाट पाहू लागलो. माझ्या सारखे अनेक भटके सायकलिस्ट हवामान अनुकूल झाल्यामुळे ते देखील सायकलवर सामान बांधुन ट्रेन प्रवासास निघाले. ट्रेनमध्ये चढल्यावार सायकलसाठी विशेष जागा आणि बाजूला बसायला सीट देखील. मी म्हटलो आयला आपल्यासोबत आपल्या सायकलचे देखील आदरातिथ्य ? पण असा सायकलचा पाहुणचार पाहून माझे डोळे भरून आले.
कारण पंढरपूर, कुरुडवाडी, चित्तोडगढ, अकोला येथील सायकल मोहीम दरम्यान ट्रेनने सायकल बुक करतांना अनुभव कठीण व प्रतिकूल होते पण असू द्या.
या सुपरफास्ट ट्रेन मध्ये 35 मिनिटात 60 किमी अंतर गाठून ग्लासगो पोहोचलो. येथील ट्रेन स्टेशन आपल्याला थोडं मुंबई चर्चगेट स्टेशन ची आठवण करून देतं . स्टेशन बाहेर आल्यावर प्रीती ताईने पाठवलेला पत्ता शोधत निघालो. वाटेत ग्लासग्रो शहरातील मोठे आणि लहानग्याला, थोर व ज्येष्ठ व्यक्तीसाठी जॉगिंग, प्ले पार्क, सायकलिंग ट्रॅक अशा सर्व सुविधांनी युक्त 'ग्रीन पार्क' जे क्लाइड नदी काठी शहराच्या मध्यवस्तीत मोठे पार्क आहे.
थोडा वेळ फिरून गोर्बल्स येथे राहणाऱ्या प्रीती कल्याणकर केवाले यांच्या यांच्या पोहोचलो. त्यांनी खूप छान स्वागत व आदरातिथ्य केलं. त्यांच्या येथे गप्पा मारतांना परभणी, पुणे, नागपूर मधील विविध आठवणींना उजाळा देत महाराष्ट्रीयन जेवण सोबत कढी भजे आणि फ्रुट सलाड चा आस्वाद घेतला. परभणीतील वर्गमित्र प्रफुल्ल कल्याणकर ची ती छोटी ताई नुकतंच दीड वर्षांपूर्वी सहकुटुंब ग्लासगो येथे शिफ्ट झाली. परदेशात भारतीय आदरातिथ्यची मजाच न्यारी अखेर त्यांचा निरोप घेऊन ग्लासगो भटकायला निघालो. सायकलिंग करत मस्जिद हुन क्लाइड रिव्हर साईडहुन खास सायकल ट्रॅक वरून पेडलिंग करत एका बाजूला नदी दुसऱ्या बाजूला विविध आयटी कंपनीची ऑफिसेस, बीबीसी स्कॉटलँड पाहत ग्लासगो विज्ञान केंद्र पोहोचलो. तेथील विविध आविष्कार, विविध वैज्ञानिक गंमत जमत, चाचण्या आदी पाहून ग्लासगो रिव्हरसाईड म्युझियम ला पोहोचलो. तेथे सर्व जुन्या मोटारगाड्या, सायकलचा शोध, जगातील पहिली सायकल, फ्लाइंग स्कॉटमनची सायकल, व्हीन्टेज बाईक्स, मोटारगाड्या, कार, वाफेचे इंजिन, बोट, म्युझियम बाहेर नदीच्या पात्रात लावलेले जहाज पाहून पुढे निघालो. पुढे गल्ली बोळ्यातून मार्ग काढत 'केलव्हींगरोव्ह पार्क' पोहोचलो. या भागात खाली वर, चढ उतार वर सायकलिंगची वेगळीच मजा येत होती . पुढे केलव्हीनग्रोव्ह आर्ट गॅलरी व म्युझियम येथील विविध चित्र, कलाकृती, प्राण्यांच्या कलाकृती व स्कॉटलँड कल्चर तेथील शिल्पकला, वास्तू आदी पाहून भारावलो. थोडं पुढे गेल्यावर गुरुद्वारा येथे दर्शन व लंगर येथे प्रसादग्रहन व हिंदू मंदिर येथे दर्शन घेऊन ग्लासगो हुन लिनलिथगोकडे परतीचा प्रवास सुरू.
No comments:
Post a Comment